Sehri ki Dua ek aisi dua hai jo Roza rakhte samay padhni jaroori batayi gayi hain. Islamic calender ka nauva mahina jis Ramadan kaha jata hain, tab Roza rakhna har musalman pr farz hain. Hame pata hain ki bohot sare logonko Islam ke bare me jyada knowledge nahi hota, is karan se unhe unhe dua ke bare me janane me dikkat hoti hain. Agar aap Ramadan me ki jani wali duaonke bare me janana cahahte hain to aap sahi jagah aaye hain.
Is post me aapko sehri kya hain aur ise Islam ke hawale se kis tarah kiya jata hain ye aapko janane ko milega. Yaha aapko Sehri ki dua batayenge jo aap Hindi, English, ya Arabic me padh sakte hain. Iske sath hi ham aapko Roza rakhte samay kin bato ka khas dhyan rakhna hota hain uske bare me batayenge. To chaliye samay gavaye bina shuru karte hain.
Sehri Kya Hain
Ramadan me jab log Roze rakhte hain tab suraj nikalne ke bad aur suraj dhalne se pehle tak kuch khana ya pina allowed nahi hain. Is samay ke dauran aap pani bhi nahi pi sakte. Agar aap kuch khate hain ya pite hain to aapka Roza nahi mana jayega aur ye Islam ke khilaf hoga.
Jab hum dinbhar bhuke rahenge to aapko sharir me kamjori aayegi aur aapko koyi bhi kam karne me dikkatonka a samna karna padega. Isliye aapko adhi rat ke baad me aur suraj nikalne se pehle kuch khane aur pine ki ijajat hain. Isi vakt ko Sehri ka vakt kaha gaya hain. Apko is samay me khane aur pine ki ijajat hoti hai aur us khane ko sehri kaha jata hain. Is samay ke dauran kuch kha lene se aapko dinbhar bhuka rehne ke liye takad milegi aur aapko jyada kamjori mehsoos nahi hogi. Dhyan rakhiye ki aapko is samay ke dauran hi sehri ko karna hain. Agar aap iske baad me sehri karenge to aapka Roza mana nahi jayega.
Roza Rakhne ki Dua/Sehri ki Dua
Roza rakhne se pehle Sehri karna sunnat mana gaya hain. Isase aapko takad milegi. Sehri ke samay aap shuruvat me aap Khajoor khayiye aur thoda sa pani pi lijiye. Aapko bata du ki Sehri me khajoor khana sunnat pr amal karna hain. Agar aap sochte hain ki aapke pas khajoor nahi hain to aap bina khajoor ke sehri kr sakte hain to aisa nahi hain. Aapko sehri me khajoor khana bohot jaroori hain. Agar sehri karte samay aapko bhook nahi hain to aap sirft khajoor khakar pani pijiye.
وَبِصَوْمِ غَدٍ نَّوَيْتُ مِنْ شَهْرِ رَمَضَانَ (Arabic)
व बिसौमि गदिन नवैतु मिन शहरि रमजान
Wa Bisawmi Ghadinn Nawaiytu Min Shahri Ramadan
اورمیں نے ماہ رمضان کے کل کے روزے کی نیت کی (Urdu)
Hamne upar Sehri ki dua di hain jo aap Arabic, Hindi, Urdu, aur English bhasha me dekh sakte hain. Aapko batu du ki ye dua Arabic bhasha me padhna behatarin mana jata hain par jyadatr log is dua ko Arabic me nahi padh pate. To agar aap un logonme se hain jo Arabic nahi samzte to aap Urdu, English ya Hindi me Sehri ki dua ko padh sakte hain.
Is dua ko aapko Sehri karne se pehle padh lena hain. Is dua ko padhe aur Sehri karna shuru kijiye. Sehri ki shuruvat aap sabse pehle khajoor khaye aur thoda sa pani piye. Iske baad aap jo chahe vo kha sakte hain. Dhyan rakhiye ki aapko Sehri ke vakt me hi sehri karni hain jo adhi rat ke baad aur suraj nikalne tak ka hain.
FAQ
Agar aap Sehri ke samay sote rahe to kya kare?
Ans. Islam ke hawale se bat kare to aapko sirf sehri ke samay khane ki ijajat hain, iske baad khana matlab roze ko todna hi mana jayega. Agar aap sote rahe aur aap jab jage tab subah ho chuki thi tab aapko vaisehi Roza rakhna hoga. Aapko bina kuch khaye hi dinbhar rehna hoga. Jab suraj dhal jaye tab Iftar ke samay aap fir khana kha sakte hain. Usase pehle Iftar ki dua jaroor padhe.
Agar aap galti se Sehri ke bad kuch kha le to kya kare?
Ans. Kuch baar kya hota hain ki jab aap bahar hote hain ya kisi kam me busy hote hain tab dusre dino ki tarah aap kuch kha lete hain. Aisi situartion agar aapko yad aagaya ki aapka Roza hain, tab khana ya pina turant band kar de. Agar aapne bhulse khuch khaya ya piya hain to aapka Roza toota hua nahi mana jayega. Agar aapne iske baad bhi khana chalu rakha to aapka Roza toot jayega.
Agar Sehri karne ke baad bhi kamjori mehsoos karu to?
Ans. Agar aapne Sehri ke vakt sehri karli hain, firbhi aapko bohot kamjori mehsoos ho rahi hain to aapko kuch bate dekhni hogi. Sabse pehli baat, agar aap abhi bade nahi huye hain to aapko Roza karne ki jaroorat nahi hain. Dusri baat, agar aapki umr jyada ho gayi hain to aisi umr me aapko Roze karna chodna chahiye. Agar aap jawan hain pr aap bohot kamjor hain to aap isko dekhiye ki aap bimar to nahi hain. Agar ye bimari ki vajah se aap kamjor pad rahe hain to aapko sehri ke bad khane ki ijajat hain aur aap par Roza farz nahi hain.
Kya bina Sehri kiye Roza rakh sakte hain?
Ans. Roze ke dino me Sehri karna sunnat pr amal karna mana gaya hain. Ramadan ke mahino me dinbhar kuch khana ya pina nahi hota hain, isliye sehri karna jaroori ho jata hain. Kuch logonko kuch kam ke vajah se ya neend ke vajah se sehri karne ka samay nahi milta to vo insan fir bhi Roza rakh sakta hain.
Conclusion
Sehri karna hamare sharir ke liye ek jaroorat ko pura karne ka kam karta hain. Isase dinbhar Roza karne ki himmat milti hain. Halaki kuch log ise na kare to bhi chalega jaise ki nabalik bacche, budhe log, bachhe ko janm dene vali maye, aur bimar log. Aise logonko Roza karna farz nahi hain. Dyan rakhiye aur sehri ke samay sehri kr lijiye.
Humne is post me jyada se jyada Sehri ke bare me jankari dene ki koshish ki hain, isliye hame pura bharosa hain ki aapko ye post acchi lagi hogi. Is jankari ko apne social media pr share kijiye taki log bhi iska fayda utha sake. Hum aise hi Islamic dua ke bare jankari is website pr share karte rehte hain, isliye is website ko bookmark karke rakhiye taki aapko firse nayi jankari hasil karne me asani ho.